ХОТИРА ВА ҚАДРЛАШ – ХАЛҚИМИЗНИНГ АСРИЙ ҚАДРИЯТИ, УЛУҒ ФАЗИЛАТИДИР
Она Ватан учун ўлимга тик бориш, ўз яқинлари тақдири, ор-номусини барча нарсалардан устун қўйиш, ғурур-орият учун кураш каби олий инсоний фазилатлар бобо-момоларимизга бўлган ҳурмат ва меҳр ҳисларини янада оширади. Бундай инсонларни ардоқлаш, уларнинг дуосини олиш, аждодлардан юксак ватанпарварликни ўрганиш эса авлодлар учун ҳам мактаб, ҳам муносиб фарзандлик бурчидир.
Шу сабаб 9 май – “Хотира ва қадрлаш куни” муносабати билан Навоий вилоятида ҳам Миллий гвардия ҳарбий хизматчилари Қизилтепа туманида истиқомат қилувчи Иккинчи жаҳон уруши қатнашчилари Рашида она Ишқилова ҳамда Шукур ота Ҳамитовларнинг хонадонларида меҳмон бўлиб, уларнинг холидан хабар олдилар.
Фахрийларимиз билдирилган самимий тилаклардан кўнгиллари кўтарилиб, тинч ҳаётга шукроналик келтирдилар. Бир пиёла чой устида синовли давр иштирокчиларининг қалб сўзларига қулоқ тутилди.
Учрашувда олинган панд-насиҳатлар, саргузаштлар ҳақидаги ҳикоялар Миллий Гвардия ҳарбий хизматчилари учун ҳақиқий ибрат мактаби бўлди.
