Xotira - aziz, qadr - muqaddas!
Mamlakatimizda har yili 9 may — G‘alaba bayrami " Xotira va qadrlash kuni" sifatida keng nishonlanadi.
Ana shunday ezgu ishlarni izchil davom ettirish, dunyo miqyosida keng nishonlanadigan buyuk sana — G‘alabaning 77 yillik bayrami munosabati bilan Davlatimiz rahbarining "Ikkinchi jahon urushi qatnashchilarini rag‘batlantirish to‘g‘risida"gi Farmoni ijrosi yuzasidan Milliy gvardiya qo‘mondonligi,Toshkent shahri va tuman hokimligi, hamkor vazirliklar, Qurolli kuchlar faxriylar kengashi aʼzolari, Jamoat xavfsizligi universiteti kursantlari, Temurbeklar maktabi va harbiy musiqa akademik litseylari o‘quvchilari tomonidan Ikkinchi jahon urushi qatnashchisi Zagida Mamleyeva hamda Kolominseva Antonina holidan xabar olinib,ularga hurmat-ehtirom ko‘rsatildi.
Tadbir davomida urush faxriylariga prezident tabrigi o‘qib eshittirib, 15million so‘m miqdorida bir martalik pul mukofoti va "Yangi O‘zbekiston" ramzi aks ettirilgan qimmatbaho esdalik sovg‘alari tantanali ravishda topshirildi.
"Alvon beretlar" jamoasi hamda harbiy musiqiy akademik litseyining iqtidorli o‘quvchilari tomonidan kuylangan vatanparvarlik hamda tinchlikni madh etuvchi kuy-qo‘shiqlar urush faxriysi va tadbir ishtirokchilariga bayramona kayfiyat bag‘ishladi.
Jajji bolajonlarning harbiy libosdagi tashrifi, ifodali sheʼr o‘qishlari hamda qo‘shiqlarga hamohang raqslari tadbirga o‘zgacha fayz baxsh etdi.
Bu kabi ezgu va xayrli amallarning davomiyligi O‘zbekiston xalqining jang maydonlaridagi, urush ortidagi qahramonligi va fidokorona mehnatini, tarixiy xizmatlarini mamlakatimiz va jahon jamoatchiligiga yetkazish hamda abadiylashtirish, yosh avlodni ota-bobolarimiz jasoratiga munosib bo‘lgan, bugungi tinch, osoyishta hayotni asrab-avaylash va yana-da mustahkamlashga qodir, jonajon Vatanimizga sadoqatli insonlar etib tarbiyalashga keng zamin yaratmoqda.
