Yakkasaroy tumanida qidiruvda bo‘lgan surxondaryolik fuqaro qo‘lga olindi.
Joriy yilning 27 mart kuni soat 22:23 da Yakkasaroy tumani “Qo‘riqlash” bo‘limiga mazkur tumanda joylashgan “Korzinka Rakat” supermarketiga tashrif buyurgan fuqaro O‘zbekiston Respublikasi IIV tomonidan qidiruv eʼlon qilingan shaxsga o‘xshashligi to‘g‘risida xabar kelib tushgan.
Xodimlar yuqorida ko‘rsatilgan manzilga zudlik bilan yetib borgan va ko‘rilgan tezkor chora-tadbirlar natijasida ushbu shaxs qo‘lga olingan. Shundan so`ng, Yakkasaroy tumani IIO navbatchilik qismiga o‘rnatilgan tartibda topshirilgan.
Dastlabki tezkor surishtiruv natijasida ushbu shaxs Boysun tumani IIB tomonidan 2018 yil sentyabr oyidan O‘zbekiston Respublikasi JKning 122-moddasi (Voyaga yetmagan yoki mehnatga layoqatsiz shaxslarni moddiy taʼminlashdan bo‘yin tovlash) bilan ayblanib, qidiruvda bo‘lgan 41 yoshli fuqaro I.I ekanligi aniqlangan.
Mazkur holat bo‘yicha surishtiruv ishlari Yakkasaroy tuman IIB tomonidan olib borilmoqda.
