Yangi O‘zbekistonning sportchi harbiylar oilasi” musobaqasi Toshkent viloyati bosqichi
Milliy gvardiya harbiy xizmatchilari oila a’zolarining jismoniy salohiyatini rivojlantirish va harbiylarning oilalaridagi sog‘lom muhitni yaratish, sportni kundalik hayotda ommalashtirish maqsadida harbiy qismda faoliyat ko‘rsatayotgan harbiy xizmatchilarning oila a’zolari o‘rtasida “Yangi O‘zbekistonning sportchi harbiylar oilasi” shiori ostida ilk marotaba o‘tkazilayotgan musobaqa bo‘lib o‘tdi.
Maqsad harbiylar va ularning oila aʼzolarini sportning ommaviy turlariga qiziqtirish orqali mehnat faoliyati samaradorligini oshirishdan iborat. Musobaqada, safdoshlari orasida hurmat qozongan, farzandlari turli sport musobaqalarida yutuqlarga erishgan, har tomonlama salohiyatli bo‘lgan 5 ta oila ishtirok etishdi.
Keskin kurashlar ostida oʻtgan musobaqa, avvaliga oson ko‘ringan boʻlsada lekin farzandlaridan epchillik va tezkorlikni talab etgan birinchi shartni barcha ota-onalar hayajon bilan kuzatib borishdi.
Musobaqa nizomiga koʻra, sportchi oilalar chaqqonlik, epchillik, merganlik va kuchlilikni namoyish etuvchi shartlarni bajarib, oʻz iqtidor va va isteʼdodlarini namoyon etdilar.
Musobaqa yakunida g‘olib va sovrindorlarga diplom va qimmatbaho esdalik sovg‘alari topshirildi.
