“Yangi O‘zbekistonda el aziz, inson aziz” shiori ostida kuch tuzilmalari, huquqni muhofaza qiluvchi organlar kavaleriya bo‘linmalari, chavandozlar maktablari, Yilqichilik va ot sporti federatsiyasi sportchilari ishtirokida “Otliq kavaleriya paradi” bo‘lib o‘tdi.
Poytaxtimizda Mustaqilligimizning 31 yilligi bayrami munosabati bilan “Yangi O‘zbekistonda el aziz, inson aziz” shiori ostida kuch tuzilmalari, huquqni muhofaza qiluvchi organlar kavaleriya bo‘linmalari, chavandozlar maktablari, Yilqichilik va ot sporti federatsiyasi sportchilari ishtirokida “Otliq kavaleriya paradi” bo‘lib o‘tdi.
Tadbirda qorabayir, belorus, rus, ingliz, nemis singari ot zotlariga mansub 100dan ortiq ot ishtirok etdi.
Jamoat xavfsizligi universiteti harbiy orkestri ijrosidagi musiqa sadolari ostida chavandozlar xizmat va sport kiyimlarida, O‘zbekiston bayrog‘ini baland ko‘targan holda xiyobon aylanasi bo‘ylab yurib o‘tdi.
Tantanali tadbirni tomosha qilishga tashrif buyurgan 5 mingga yaqin poytaxtimiz aholisi va mehmonlariga Otliq kavaleriya bo‘linmalari harakatlarining jozibadorligi juda ham manzur bo‘ldi. Ayniqsa yoshlarga ushbu ochiq osmon ostidagi bayramona tadbir bir olam quvonch bag‘ishladi.
