Yangi Namangan tumanida qayta qurib bitkazilgan Mehribonlik uyining ochilish marosimi boʻlib oʻtdi
Kuni kecha Yangi Namangan tumanida qayta qurib bitkazilgan 26-sonli Mehribonlik uyining ochilish marosimi boʻlib oʻtdi.
Ochilish marosimida viloyat hokimi hamda Milliy gvardiya masʼul xodimlari ishtirok etib, bolalarning kelajakdagi orzu va maqsadlari roʻyobga chiqishiga hamda ularning sogʻlom, baquvvat va yurtga fidokor farzand boʻlib ulgʻayishiga tilakdosh ekanliklarini aytib oʻtishdi.
Shundan soʻng, barcha mehmonlar yangi qiyofadagi bolajonlarning uylari bilan tanishib, yaratilgan shart sharoitlarni oʻrganishdi.
Yangi binoda yoshlar oʻz qiziqishlari asosida turli xil toʻgaraklarga qatnashish imkoniyatiga ega boʻlib, bu yerda ayni vaqtda rassomchilik, xoreografiya va sportning turli yoʻnalishlari boʻyicha mashgʻulotlar olib borilmoqda.
Shuningdek, darsdan tashqari bolalarni kasbga yoʻnaltirish maqsadida tikish va bichish, sartaroshlik, kompyuter va fotosurat sirlari oʻrgatiladigan toʻgaraklar tashkil etilgan boʻlib, ularning muntazam faoliyat yuritishlari uchun barcha shart sharoitlar yaratildi.
Mehribonlik uyida yaratilgan imkoniyatlar tarbiyalanuvchilar uchun mustaqillikning 30 yilligi tuhfasi boʻldi.
