Yo‘l harakati xavfsizligi qoidalari va xizmat avtomashinalari ishtirokidagi Yo‘l-transport hodisalarini oldini olish yuzasidan profilaktik tadbirlar o‘tkazilmoqda.
O‘zbekiston Respublikasi Vazirlar Mahkamasining "Transport vositalarini majburiy texnik ko‘rikdan o‘tkazish tartibini takomillashtirishga doir qo‘shimcha chora-tadbirlar to‘g‘risida"gi qaroriga muvofiq, joriy yilning 4 oktyabrdan 22 noyabr kunlariga qadar O‘zbekiston Respublikasi Milliy gvardiyasi Qo‘riqlash Bosh boshqarmasi va hududiy boshqarmalar tasarrufida bo‘lgan xizmat transport vositalarining 2022 yilgi majburiy texnik ko‘rikdan o‘tkazilishi rejalashtirilgan.
Xususan, joriy yilning 2 oktyabr kuni tizimda yo‘l-transport hodisalarining oldini olish maqsadida barcha toifadagi haydovchilar bilan yo‘riqnoma, maxsus mashg‘ulotlar, yo‘l harakati qoidalari bo‘yicha bilimlar sinovlari, suhbat, uchrashuv va avtomobillar holati texnik ko‘riklarini tashkillashtirish bo‘yicha Markaziy Devoni masʼul vakillari tomonidan Namangan va Farg‘ona viloyati Qo‘riqlash boshqarmalarida xizmat avtomobillari yillik texnik ko‘rikdan o‘tkazilib, shaxsiy tarkib ishtirokida Yo‘l harakati xavfsizligi qoidalari va xizmat avtomashinalari ishtirokidagi Yo‘l-transport hodisalarining oldini olish bo‘yicha suhbatlar o‘tkazildi.
Shu bilan bir qatorda, kun mavzusiga oid video-slaydlar namoyish etildi.
