Йўл ҳаракати хавфсизлиги қоидалари ва хизмат автомашиналари иштирокидаги Йўл-транспорт ҳодисаларини олдини олиш юзасидан профилактик тадбирлар ўтказилмоқда.
Ўзбекистон Республикаси Вазирлар Маҳкамасининг "Транспорт воситаларини мажбурий техник кўрикдан ўтказиш тартибини такомиллаштиришга доир қўшимча чора-тадбирлар тўғрисида"ги қарорига мувофиқ, жорий йилнинг 4 октябрдан 22 ноябрь кунларига қадар Ўзбекистон Республикаси Миллий гвардияси Қўриқлаш Бош бошқармаси ва ҳудудий бошқармалар тасарруфида бўлган хизмат транспорт воситаларининг 2022 йилги мажбурий техник кўрикдан ўтказилиши режалаштирилган.
Хусусан, жорий йилнинг 2 октябрь куни тизимда йўл-транспорт ҳодисаларининг олдини олиш мақсадида барча тоифадаги ҳайдовчилар билан йўриқнома, махсус машғулотлар, йўл ҳаракати қоидалари бўйича билимлар синовлари, суҳбат, учрашув ва автомобиллар ҳолати техник кўрикларини ташкиллаштириш бўйича Марказий Девони масъул вакиллари томонидан Наманган ва Фарғона вилояти Қўриқлаш бошқармаларида хизмат автомобиллари йиллик техник кўрикдан ўтказилиб, шахсий таркиб иштирокида Йўл ҳаракати хавфсизлиги қоидалари ва хизмат автомашиналари иштирокидаги Йўл-транспорт ҳодисаларининг олдини олиш бўйича суҳбатлар ўтказилди.
Шу билан бир қаторда, кун мавзусига оид видео-слайдлар намойиш этилди.
