Yosh chavandozlar yuksak marralarni zabd etmoqda
Joriy yilning 9-10 iyun kunlari Germaniya davlatining Xagin shahrida joylashgan “Hof kasselman Hagen” ot sporti majmuasida ot sportining to‘siqlardan sakrash turi bo‘yicha o‘smirlar o‘rtasida CSIY “Future Champions” xalqaro musobaqasi bo‘lib o‘tdi.
Mazkur musobaqada dunyoning 22 ta davlatidan tashrif buyurgan 363 nafar sportchi chavandozlar ishtirok etib, ular orasidan ot sporti bo‘yicha Respublika oliy sport mahorati maktabining sportchi chavandozi Abdullayev Abdurahmon to‘siqlarning balandligi 140 sm bo‘lgan yo‘nalishda yuqori natijalarni ko‘rsatib 1-o‘rinni qo‘lga kiritdi.
2021 yilning 17-20 iyun kunlari Polsha shahrida bo‘lib o‘tgan Millatlar kubogida Abdullayev Abdurahmon 1-2-3-o‘rinlarni qo‘lga kiritdi.
Shuningdek, joriy 2021 yilning 23-26 iyun kunlari Moskva shahri (RF)da joylashgan “Otrada” ot sporti majmuasida ot sportining to‘siqlardan sakrash turi bo‘yicha CSI-1W, CSI1 Gold tour (Millatlar kubogi, Yevrosiyo ligasi va Jahon kubogiga saralash bosqichi) musobaqalari o‘tkazildi.
Mazkur musobaqalarda ot sporti bo‘yicha Respublika oliy sport mahorati maktabining sportchi chavandozlari Gaziyev Baxromjon 2-3-o‘rinlarni, Sobirjonov Oqiljon 3-o‘rinni, Tolibbayev Aʼzam 1-2-o‘rinlarni hamda Kamilov Umid 1-2-o‘rinlarni va Turg‘unboyev Saidamirxon 2-o‘rinni qo‘lga kiritib, Vatanimiz shaʼnini munosib himoya qilishmoqda.
