Ёш чавандозлар юксак марраларни забд этмоқда
Жорий йилнинг 9-10 июнь кунлари Германия давлатининг Хагин шаҳрида жойлашган “Hof kasselman Hagen” от спорти мажмуасида от спортининг тўсиқлардан сакраш тури бўйича ўсмирлар ўртасида CSIY “Future Champions” халқаро мусобақаси бўлиб ўтди.
Мазкур мусобақада дунёнинг 22 та давлатидан ташриф буюрган 363 нафар спортчи чавандозлар иштирок этиб, улар орасидан от спорти бўйича Республика олий спорт маҳорати мактабининг спортчи чавандози Абдуллаев Абдураҳмон тўсиқларнинг баландлиги 140 см бўлган йўналишда юқори натижаларни кўрсатиб 1-ўринни қўлга киритди.
2021 йилнинг 17-20 июнь кунлари Польша шаҳрида бўлиб ўтган Миллатлар кубогида Абдуллаев Абдураҳмон 1-2-3-ўринларни қўлга киритди.
Шунингдек, жорий 2021 йилнинг 23-26 июнь кунлари Москва шаҳри (РФ)да жойлашган “Отрада” от спорти мажмуасида от спортининг тўсиқлардан сакраш тури бўйича CSI-1*W, CSI1* Gold tour (Миллатлар кубоги, Евросиё лигаси ва Жаҳон кубогига саралаш босқичи) мусобақалари ўтказилди.
Мазкур мусобақаларда от спорти бўйича Республика олий спорт маҳорати мактабининг спортчи чавандозлари Газиев Бахромжон 2-3-ўринларни, Собиржонов Оқилжон 3-ўринни, Толиббаев Аъзам 1-2-ўринларни ҳамда Камилов Умид 1-2-ўринларни ва Турғунбоев Саидамирхон 2-ўринни қўлга киритиб, Ватанимиз шаънини муносиб ҳимоя қилишмоқда.
