“Yosh gvardiyachi” harbiy-sport musobaqasining viloyat bosqichiga start berilgan edi.
O‘zbekiston Respublikasi Milliy gvardiyasi, Xalq taʼlimi vazirligi va O‘zbekiston yoshlar ittifoqi Markaziy kengashi hamkorligida tashkillashtirilgan umumiy o‘rta taʼlim muassasalarining harbiy-vatanparvarlik yo‘nalishiga ixtisoslashtirilgan sinf o‘quvchilari o‘rtasida o‘tkaziladigan “Yosh gvardiyachi” harbiy-sport musobaqasining viloyat bosqichiga start berilgan edi.
Mazkur musobaqalarning navbatdagisi Xorazm viloyatida o‘tkazildi. Musobaqa ko‘tarinki ruhda o‘tkazilib, o‘quvchilar jismoniy tayyorgarlik, mardlik, matonat, aqlu-idrok va tafakkur bobida o‘zaro bellashdilar. Faol ishtirok etgan va g‘olib bo‘lgan jamoalar tashkilotchilar tomonidan tayyorlangan qimmatbaho sovg‘alar bilan taqdirlandilar.
Shuningdek, tadbir so‘ngida Milliy gvardiya Xorazm viloyati bo‘yicha boshqarmasi harbiy xizmatchilaridan tuzilgan jamoalar tomonidan, ko‘rgazmali chiqishlar namoyish etilib, ishtirokchilar qalbida o‘chmas iz qoldirdi.
Albatta bu kabi o‘tkazilayotgan musobaqalar kelgusida yosh avlodni vatanparvarlik ruhida tarbiyalanishiga va kelajakda O‘zbekiston Respublikasi Qurolli kuchlar saflarida xizmat qilishlari uchun muhim poydevor vazifasini o‘taydi.
