Milliy gvardiya Farg‘ona viloyati bo‘yicha boshqarmasi tomonidan Xalq ta'limi va yoshlar ittifoqi viloyat kengashi hamkorligida “Yangi O‘zbekistonda erkin va farovon yashaylik” shiori ostida “Yosh gvardiyachi” harbiy-sport musobaqasining birinchi bosqichi o‘tkazildi.
Unda Marg‘ilon shahrida joylashgan 1-sonli mehribonlik uyidan
“Yosh gvardiyachilar” jamoasi; Qo‘qon shahrida joylashgan 12-sonli mehribonlik uyining “Sher yuraklar” jamoasi; Namangan shahrida joylashgan 26-sonli mehribonlik uyining “Temurbeklar” jamoasi; Andijon shahrida joylashgan “Bolalar shaharchasi”ning “Arslonlar” jamoasi ishtirok etishdi. Jamoalar 6 ta shart ya'ni:
- bilimdonlar bellashuvi
- o‘q-dorilarni belgilangan joyga yetkazish va o‘qdonga joylash
- Kalashnikov avtomatini noto‘liq qismlarga ajratish va yig‘ish
- birinchi tibbiy yordam ko‘rsatish
- estafeta 4 x 100
- turnikda tortilish kabi shartlar bo‘yicha bahslashishdi.
Musobaqaning asosiy maqsadi,
Qizg‘in va bahsli lahzalarga boy bo‘lgan musobaqada umumiy hisobda 3-o‘rinni Andijon va Namangan viloyatlari vakillari olgan bo‘lsa, ikkinchi o‘rinni Qo‘qon va faxrli birinchi o‘rinni Marg‘ilon shahrida joylashgan 1-sonli mehribonlik uyi tarbiyalanuvchilari qo‘lga kiritib, tanlovning respublika bosqichiga yo‘llanmani qo‘lga kiritishdi.
Ishtirokchi jamoalar tashkilotchilar tomonidan diplom, faxriy yorliq va esdalik sovg‘alari bilan taqdirlandi.
Bu kabi maqsadli tadbirlar davomiyligi mehribonlik uyi tarbiyalanuvchilarini harbiy-vatanparvarlik ruhida tarbiyalash, ular o‘rtasida sog‘lom turmush tarzini targ‘ib qilish, harbiy xizmatga qiziqtirish, yoshlarda jasurlik, shijoat, jasorat va boshqa tuyg‘ularini shakllantirishga xizmat qilmoqda.