"ЁШ ГВАРДИЯЧИ”ЛАР ТАНЛОВИ БЎЛИБ ЎТДИ
Миллий гвардия Фарғона вилояти бўйича бошқармаси томонидан Халқ таълими ва ёшлар иттифоқи вилоят кенгаши ҳамкорлигида “Янги Ўзбекистонда эркин ва фаровон яшайлик” шиори остида “Ёш гвардиячи” ҳарбий-спорт мусобақасининг биринчи босқичи ўтказилди.
Унда Марғилон шаҳрида жойлашган 1-сонли меҳрибонлик уйидан
“Ёш гвардиячилар” жамоаси; Қўқон шаҳрида жойлашган 12-сонли меҳрибонлик уйининг “Шер юраклар” жамоаси; Наманган шаҳрида жойлашган 26-сонли меҳрибонлик уйининг “Темурбеклар” жамоаси; Андижон шаҳрида жойлашган “Болалар шаҳарчаси”нинг “Арслонлар” жамоаси иштирок этишди. Жамоалар 6 та шарт яъни:
- билимдонлар беллашуви
- ўқ-дориларни белгиланган жойга етказиш ва ўқдонга жойлаш
- Калашников автоматини нотўлиқ қисмларга ажратиш ва йиғиш
- биринчи тиббий ёрдам кўрсатиш
- эстафета 4 х 100
- турникда тортилиш каби шартлар бўйича баҳслашишди.
Мусобақанинг асосий мақсади,
Қизғин ва баҳсли лаҳзаларга бой бўлган мусобақада умумий ҳисобда 3-ўринни Андижон ва Наманган вилоятлари вакиллари олган бўлса, иккинчи ўринни Қўқон ва фахрли биринчи ўринни Марғилон шаҳрида жойлашган 1-сонли меҳрибонлик уйи тарбияланувчилари қўлга киритиб, танловнинг республика босқичига йўлланмани қўлга киритишди.
Иштирокчи жамоалар ташкилотчилар томонидан диплом, фахрий ёрлиқ ва эсдалик совғалари билан тақдирланди.
Бу каби мақсадли тадбирлар давомийлиги меҳрибонлик уйи тарбияланувчиларини ҳарбий-ватанпарварлик руҳида тарбиялаш, улар ўртасида соғлом турмуш тарзини тарғиб қилиш, ҳарбий хизматга қизиқтириш, ёшларда жасурлик, шижоат, жасорат ва бошқа туйғуларини шакллантиришга хизмат қилмоқда.
