O‘zbekiston Respublikasi Milliy gvardiyasi va O‘zbekiston yoshlar ittifoqi Markaziy Kengashi o‘rtasida o‘zaro hamkorlik to‘g‘risida memorandum imzolandi
Hamkorlikdan ko‘zlangan asosiy maqsad davlatimiz rahbarining 2021 yil 9 avgustdagi 5215-sonli «Etim bolalar va ota-ona qaramog‘idan mahrum bo‘lgan bolalarni tarbiyalashning tubdan yangilangan tizimini joriy etish chora-tadbirlari to‘g‘risida»gi qarori hamda mamlakatimizda yoshlarga oid boshqa normativ-huquqiy hujjatlarga asoslanib, tomonlar o‘z Nizomlarida belgilangan maqsad va vazifalarni izchil amalga oshirilishini taʼminlashdan iboratdir.
Mazkur kelishuvga asosan tomonlar bolalarni tarbiyalashni amalga oshirilishi yuzasidan belgilangan vazifalarni taʼminlash, ularga sifatli taʼlim-tarbiya berish jarayonini takomillashtirish, mehribonlik uyi tarbiyalanuvchilarining bo‘sh vaqtini mazmunli tashkil etish hamda ularning intellektual va ijodiy qobiliyatlarini rivojlantirish, barkamol avlod bo‘lib shakllanishiga ko‘maklashishda o‘zaro hamkorlik qiladi.
Shu bilan bir qatorda, Mehribonlik uyi va Bolalar shaharchalari tarbiyalanuvchilari o‘rtasida “Yosh gvardiyachi” harbiy-sport musobaqasini hududiy va respublika bosqichini muntazam tashkil etilishini yo‘lga qo‘yish borasida ham kelishib olindi.
