YОSHLAR BILAN UCHRASHUV
Maʼrifat – qalb quyoshi. Inson yer yuzida paydo bo‘lgandan to hozirgi kungacha o‘z umri mobaynida ezgulik va jaholat o‘rtasida ko‘rinmas arqon to‘qiydi. Bu umrboqiy hayot qonuni, o‘z o‘rnida hayot tarozisining ikki pallasidir. Aynan shu kabi tadbir Navoiy shahridagi 17 sonli umumtaʼlim maktabida O‘zbekiston yoshlar ittifoqi Navoiy viloyati Kengashi, viloyat Harbiy prokuraturasi, Milliy gvardiya va boshqa hamkor vazirliklar vakillari hamda faxriylar ishtirokida “Jaholatga qarshi maʼrifat bilan” shiori ostida bo‘lib o‘tdi. Tadbir davomida soha vakillari va faxriylar, o‘quvchi yoshlar bilan mavzu yuzasidan ochiq muloqot tarzida suhbat olib borishdi. Shundan so‘ng ularning ijodiy ishlarini tomosha qilish bilan bir qatorda har bir o‘quvchi bilan yaqindan suhbatlashib, iqtidorli yoshlar ishlari yuqori baholandi. Hatto shaxmat-shashka o‘yinida o‘quvchilar o‘z zakovatlarini namoyon etishdi. Mehmonlar tadbir so‘ngida o‘quvchi yoshlar bilan birgalikda "Yashil makon" shiori doirasida maktab hududiga manzarali daraxt ko‘chatlari ekishdi.
