“YОSHLAR BOG‘I”DA YUZLAB YoSHLAR BIRLASHDI
Mamlakatimizda taʼtil kunlari yoshlarning bo‘sh vaqtlarini mazmunli o‘tkazish hamda ularni sport to‘garaklariga jalb qilish borasida tizimli ishlar davom ettirilmoqda.
Jumladan, kuni kecha Milliy gvardiya Namangan viloyati bo‘yicha boshqarmasi tashabbusi bilan uyushmagan va harbiy yoshlar uchun tarbiyaviy ahamiyatga boy bo‘lgan sport tadbiri o‘tkazildi.
Tadbir davomida harbiy xizmatchilarning qurol-aslahalar namoyishi, ot sporti hamda otlar ishtirokidagi ko‘rgazmali chiqishlari yoshlar xotirasida iliq taassurot qoldirib, otlar bilan bo‘lgan sayr esa bolajonlarga bir olam zavq baxsh etdi.
Shu bilan birga, tadbir so‘ngida tashkilotchilar tomonidan ot sportini rivojlantirish, yoshlarga ushbu yo‘nalish bo‘yicha to‘garaklar tashkil etish masalasida tegishli choralar ko‘rildi.
