YОSHLARNI HARBIY VATANPARVARLIK RUHIDA TARBIYALASH-BUGUNGI KUNNING USTUVOR VAZIFASIDIR!
O‘zbekiston Respublikasi Milliy gvardiyasi Qashqadaryo viloyati bo‘yicha boshqarmasida Qo‘riqlash boshqarmasi bilan hamkorlikda "Armiya xalq bilan bir tanu bir jon" shiori ostida ochiq eshiklar kuni o‘tkazildi. Mazkur tadbirda Qarshi shahrida joylashgan 45-sonli maktabning Milliy gvardiya va Mudofaa vazirligiga ixtisoslashgan harbiy sinf o‘quvchilari hamda uyushmagan yoshlar ishtirok etdi.
O‘quvchi yoshlarga dastlab, Milliy gvardiyaning zirhli harbiy texnika vositalari va bugungi kunda xizmatda foydalanib kelinayotgan texnikalar yuzasidan tushunchalar berilib, shundan so‘ng ular zamonaviy tartibda bunyod etilgan "Ot sporti" majmuasi bilan yaqindan tanishdilar.
Yoshlarga "Ot yigitning do‘stidir" qadimiy xalq og‘zaki maqolning mazmun-mohiyati tushuntirilib, ot sporti bilan shug‘ullanish inson salomatligiga naqadar ijobiy taʼsir ko‘rsatishi yuzasidan to‘xtalib o‘tildi. O‘quvchi yoshlar kunning ikkinchi yarmida Qarshi shahar Qo‘riqlash bo‘limiga tashrif buyurdilar. Bu yerda ular o‘quv amaliy mashg‘ulotlarini o‘tkazish uchun zamonaviy tartibda jihozlangan "O‘q otish maydoni" yaqindan tanishib, mutaxassislar tomonidan amaliy mashg‘ulotlar o‘tkazildi. Yoshlar o‘rtasida bu kabi tadbirlarning o‘tkazilishi ularning kelgusida vatanparvarlik ruhida tarbiyalanishlari uchun xizmat qiladi.
