ЁШЛАРНИ ҲАРБИЙ ВАТАНПАРВАРЛИК РУҲИДА ТАРБИЯЛАШ-БУГУНГИ КУННИНГ УСТУВОР ВАЗИФАСИДИР!
Ўзбекистон Республикаси Миллий гвардияси Қашқадарё вилояти бўйича бошқармасида Қўриқлаш бошқармаси билан ҳамкорликда "Армия халқ билан бир тану бир жон" шиори остида очиқ эшиклар куни ўтказилди. Мазкур тадбирда Қарши шаҳрида жойлашган 45-сонли мактабнинг Миллий гвардия ва Мудофаа вазирлигига ихтисослашган ҳарбий синф ўқувчилари ҳамда уюшмаган ёшлар иштирок этди.
Ўқувчи ёшларга дастлаб, Миллий гвардиянинг зирҳли ҳарбий техника воситалари ва бугунги кунда хизматда фойдаланиб келинаётган техникалар юзасидан тушунчалар берилиб, шундан сўнг улар замонавий тартибда бунёд этилган "От спорти" мажмуаси билан яқиндан танишдилар.
Ёшларга "От йигитнинг дўстидир" қадимий халқ оғзаки мақолнинг мазмун-моҳияти тушунтирилиб, от спорти билан шуғулланиш инсон саломатлигига нақадар ижобий таъсир кўрсатиши юзасидан тўхталиб ўтилди. Ўқувчи ёшлар куннинг иккинчи ярмида Қарши шаҳар Қўриқлаш бўлимига ташриф буюрдилар. Бу ерда улар ўқув амалий машғулотларини ўтказиш учун замонавий тартибда жиҳозланган "Ўқ отиш майдони" яқиндан танишиб, мутахассислар томонидан амалий машғулотлар ўтказилди. Ёшлар ўртасида бу каби тадбирларнинг ўтказилиши уларнинг келгусида ватанпарварлик руҳида тарбияланишлари учун хизмат қилади.
