YОSHLARNING MILLIY GVARDIYA HUZURIDAGI OT SPORTI BO‘YICHA RESPUBLIKA OLIY SPORT MAHORATI MAKTABIGA QIZIQARLI SAYOHATI
Respublikamizda yilqichilik va ot sportini rivojlantirish, uning moddiy-texnik bazasini mustahkamlash, yangi avlod chavandozlarini tayyorlash va tarbiyalash, milliy ot sportining xalqaro dovrug‘ini oshirish maqsadida keng ko‘lamli chora tadbirlar amalga oshirilmoqda.
Xususan, Milliy gvardiya tomonidan aholining keng qatlamlari, ayniqsa yoshlar o‘rtasida ot sportini faol targ‘ibot qilish va ommalashtirishda ham samarali ishlar olib borilmoqda.
Jumladan, joriy yilning 16 iyul kuni O‘zbekiston Respublikasi Milliy gvardiyasi huzuridagi ot sporti bo‘yicha Respublika oliy sport mahorati maktabiga Al-Beruniy nomli xalqaro maktabining 15 nafar o‘quvchilari tashrif buyurib, o‘zlarini qiziqtirgan maʼlumotlarga ega bo‘ldilar.
Yoshlarda katta taassurot qoldirgan sayohatdan ko‘zlangan asosiy maqsad, mamlakatimizda sog‘lom va barkamol avlodni tarbiyalash, maʼnaviy-axloqiy, vatanparvar, milliy anʼana va qadriyatlarimizga sadoqatli yoshlarni voyaga yetkazish, ularni amalga oshirilayotgan keng ko‘lamli islohotlarning faol va jonkuyar ishtirokchisiga aylantirishga qaratilgan.
