YОSHLARNING KAMONDAN OTISH SPORT TURIGA QIZIQISHI ORTIB BORMOQDA
Bugungi kunda Yurtimiz bo‘ylab sportning “Kamondan otish” turini rivojlantirish borasida samarali tadbirlar olib borilmoqda. Xususan, Milliy gvardiya Farg‘ona viloyati bo‘yicha boshqarmasi, Qo‘riqlash boshqarmasi va Kamondan otish federatsiyasi bilan hamkorlikda, Marg‘ilon shahridagi 1-sonli mehribonlik uyi tarbiyalanuvchilari uchun sportning kamondan otish turi bo‘yicha tashkil etilgan yangi seksiya ochilishi marosimi bo‘lib o‘tdi. Shuningdek, malakali mutaxassislar tomonidan yoshlarni ushbu sport turi bo‘yicha bilim va ko‘nikmalarini oshirish maqsadida, mahorat darslari ham o‘tkazildi. Tadbir davomida yoshlar o‘zlarini qiziqtirgan savollarga mutaxassislar tomonidan batafsil javob oldilar.
O‘tkazilayotgan bu kabi tadbirlar jamiyatimizda sog‘lom turmush tarzini shakllantirish, buyuk ajdodlarimiz Amir Temur, Bobur Mirzo, Jaloliddin Manguberdilardan meros bo‘lib qolgan kamondan otish anʼanalari va qadriyatlarini kelajak avlodlarga yetkazish, milliy sport turlarini ko‘paytirish, kamondan otish sport turi bo‘yicha milliy terma jamoamizning jahon chempionatlarida va boshqa yirik musobaqalarda munosib ishtirok etishini taʼminlashda muhim omil bo‘lib xizmat qilmoqda.
