YOZGI TAʼTIL SPORT BILAN YANADA MAROQLI
Bugungi kunda maktab o‘quvchilari va yosh avlod vakillarini ijtimoiy qo‘llab-quvvatlash va har tomonlama yetuk, barkamol qilib tarbiyalash, bo‘sh vaqtlarini mazmunli o‘tkazish, yoshlar bandligini taʼminlash maqsadida yutimizda tizimli hamda samarali chora tadbirlar amalga oshirilmoqda.
Ayniqsa, tashkil etilayotgan sport to‘garaklarida uyushmagan yoshlar va maktab o‘quvchilarining muntazam shug‘ullanishlari uchun yaratilayotgan zarur shart-sharoitlar ham eʼtiborli jihatlardan sanaladi. Ayni shu maqsadda, bugun Milliy gvardiya Samarqand viloyati bo‘yicha boshqarmasi harbiylari va Qo‘riqlash boshqarmasi xodimlari Pastdarg‘om tuman hokimligiga qarashli "Yangi O‘zbekiston" bolalar dam olish maskaniga tashrif buyurishdi.
Bu yerda tarbiyalanuvchi yoshlar uchun qiziqarli sport bellashuvlari hamda harbiylar bilan qiziqarli suhbatlar tashkil etildi. Shuningdek, harbiy qurol aslahalar ko‘rgazmasi va ot sportining o‘ziga xos jihatlari tushuntirilib, yoshlar bilan birgalikda amaliy mashg‘ulotlar o‘tkazildi. Harbiy xizmatchilarning jagovar ko‘rgazmali chiqishlari barchada katta taassurot qoldirdi.
