YOZGI TAʼTIL SAYOHATLARGA BOY BO‘LMOQDA
Ayni kunlarda Termiz shahrida joylashgan 12-sonli Mehribonlik uyi tarbiyalanuvchilarining yozgi dam olish kunlarini maroqli o‘tkazishlarini taʼminlash maqsadida Milliy gvardiya Surxondaryo viloyati bo‘yicha boshqarmasi harbiy xizmatchilari tomonidan maʼdaniy-maʼrifiy davra suhbatlari, uchrashuvlar, sayohatlar va sport tadbirlari o‘tkazib kelinmoqda.
Xususan, kuni kecha harbiylar hamrohligida bolajonlar Termiz tumanida joylashgan Al-Xakim At-Termiziy hamda Sherobod tumanidagi Abu Iso Muxammad At-Termiziy ziyoratgohlariga tashrif buyurib, tarixiy obidalar va maʼdaniy merosimiz haqida chuqur bilimga ega bo‘ldilar.
Shuningdek, bolalarni ot sportiga bo‘lgan qiziqishlarini oshirish maqsadida ot chopar majmuasiga sayohat tashkil etildi. Unda yoshlarga otga minish va harakatlanish hamda mazkur sportning turlari to‘g‘risida tushunchalar berildi.
Bu kabi tadbirlarni o‘tkazilishi yoshlar maʼnaviyati va salohiyatini rivojlantirish hamda yozgi taʼtil vaqtlarini maroqli o‘tkazishlarida muhim ahamiyat kasb etadi.
