YUKSAK MARRALAR SARI SPORT BILAN
Ayni yoz kunlarida yoshlarning bo‘sh vaqtini mazmunli o‘tkazish hamda ularni sportga oshno qilish maqsadida, Milliy gvardiya Buxoro viloyati bo‘yicha boshqarmasi tomonidan turli sport to‘garaklari tashkil etilgan.
Ayniqsa, ushbu to‘garaklarga malakali harbiy xizmatchilar hamda tizimda xizmat olib borayotgan sport ustalari ishtirok etib, yoshlarga mahorat darslarini o‘tishi yoshlar qalbida harbiy vatanparvarlik tuyg‘ularini jo etibgina qolmay, ularning ham kelgusida Milliy gvardiya tizimida xizmat qilishdek orzulariga qanot bo‘lmoqda.
Fikrimiz dalili sifatida, Milliy gvardiya Buxoro viloyati bo‘yicha boshqarmasi hamda Buxoro olimpiya zaxiralari sport kollejida kurash sport turi bo‘yicha faoliyati yo‘lga qo‘yilgan to‘garaklarning birini keltirib o‘tishimiz mumkin.
Taʼkidlash joizki, ushbu to‘garakda bugungi kunda 60 dan ziyod maktab yoshidagi hamda uyushmagan yigit-qizlarning muntazam ishtirok etib kelayotganligi, yoshlarning sog‘lom turmush tarzi tarafdori ekanliklarini yana bir bor amalda ko‘rsatmoqda.
