YURTIMIZ KELAJAGI SOG‘LOM VA BARKAMOL YОSHLAR QO‘LIDA
Bugungi kunda mavjud imkoniyatlardan to‘liq foydalanib, o‘z iqtidor va mahoratlarini tinmay oshirib borayotgan yoshlarimiz sport sohasida vatanimiz terma jamoalari tarkibining asosini tashkil etib, xalqaro musobaqalarda yuqori natijalarga erisha boshladi.
Albatta, mamlakatimizda bolalar sportini yana-da rivojlantirish, mavjud imkoniyatlardan foydalanish samaradorligini oshirish hamda aholi, ayniqsa yoshlar o‘rtasida ommaviy sportni kuchaytirishda qator masʼullarning ishtiroki juda muhim.
Xususan, shahar xokimligi, Mahalla va oilani qo‘llab-quvvatlash vazirligi, Milliy gvardiya tomonidan ana shunday qator samarali ishlar shahrimiz mahallalarida istiqomat qiluvchi yoshlar bilan olib borilmoqda.
Jumladan, kuni kecha Shayxontohur tumani Gulbozor mahallasida navbatdagi sport tadbiri tashkil etilib, unda mahallada istiqomat qiluvchi o‘quvchi yoshlar faollik bilan ishtirok etdi.
Bu kabi tadbirlar davomiyligi yoshlarimiz uchun yaratilayotgan imkoniyatlardan oqilona foydalanib, hayotda o‘z o‘rniga ega bo‘lishiga xizmat qiladi.
