“O‘ZBEKISTON RESPUBLIKASI PREZIDENTI KUBOGI” XALQARO TURNIRI YAKUNLANDI
Namangan shahrining Afsonalar vodiysida har yil 24 iyul kuni o‘tkazilishi anʼanaga aylangan sportning qo‘l jangi turi bo‘yicha " O‘zbekiston Respublikasi Prezidenti kubogi" xalqaro turniri bu yil ham bayramona ruxda bo‘lib o‘tdi. Mazkur musobaqada Germaniya, Rossiya,Belarus, Qozog‘iston hamda Ozarbayjon kabi davlatlardan tashrif buyurgan eng kuchli sport ustalari 6 ta vazn bo‘yicha o‘zaro bellashdilar va ularning barchasida mamlakatimiz qo‘l jangi ustalari ( 2 nafari Milliy gvardiya harbiy xizmatchilari)ning qo‘li baland keldi.
Musobaqa g‘oliblari va ishtirokchilari tashkilotchilar tomonidan munosib rag‘batlantirildi.
Ushbu nufuzli xalqaro turnir g‘olibi bo‘lgan sportchilarimizni va ularning murabbiylarini O‘zbekiston huquqni muhofaza qilish organlari qo‘l jangi federatsiyasi raisi-Milliy gvardiya qo‘mondoni va barcha shaxsiy tarkib nomidan samimiy muborakbod etamiz.Kelgusi faoliyatlari davomida mamlakatimiz bayrog‘ini xalqaro arenalarda yuqori ko‘tarishlarida ulkan zafarlar tilaymiz.
