O‘zbekiston Respublikasi IIV Akademiyasining 30 yilligi munosabati bilan Toshkent shahrida «Huquqbuzarliklar profilaktikasi va jinoyatchilikka qarshi kurashish sohasida yetuk professional kadrlarni tayyorlash: tendensiyalar va istiqbollar» mavzusidagi xalqaro ilmiy-amaliy konferensiya o‘z ishini boshladi.Unda Milliy gvardiya qo‘mondoni R.Djurayev o‘z maʼruzasi bilan ishtirok etdi
Tadbirda mamlakatimizning davlat boshqaruv hamda huquqni muhofaza qiluvchi organlari rahbarlari, xalqaro tashkilotlar, BMT, YEXHTning O‘zbekistondagi vakolatxonalari vakillari, Ozarbayjon, Xitoy, Belarus, BAA, Eron, Saudiya Arabistoni davlatlarining elchilari, shuningdek Koreya, Belarus Xitoy, Rossiya, Saudiya Arabistoni, Eron, Singapur, BAA, Armaniston, Qozog‘iston, Qirg‘iziston va Hindiston davlatlarining politsiya oliy o‘quv yurtlari rahbarlari ishtirok etishmoqda.
Mazkur tadbirda O‘zbekiston Respublikasi Milliy gvardiyasi qo‘mondoni R.Djurayev o‘z maʼruzasi bilan ishtirok etib, kirish so‘zida xalqaro konferensiya mavzusining dolzarbligiga alohida urg‘u bergan holda konferensiya ishiga muvaffaqiyat tiladi.
Maʼruza davomida IIV Akademiyasi hamda Milliy gvardiya Jamoat xavfsizligi universiteti o‘rtasida yo‘lga qo‘yilgan o‘zaro hamkorlik natijasida bugungi kunda maqsadli kadrlar tayyorlanishiga erishilgani yodga olinib, bir qator misollar keltirib o‘tildi.
Shuningdek, kelgusida bu kabi hamkorlik masalalarini yangi bosqichga olib chiqish borasidagi muhim vazifalar sanab o‘tilib, istiqbolli rejalarning amaliy ijrosi Mustaqil davlatimiz taraqqiyoti yo‘lida muhim ahamiyat kasb etishi taʼkidlandi.
