Joriy yilning 4 iyul kuni O‘zbekiston boks terma jamoasi Yaponiyada bo‘lib o‘tadigan Olimpiada musobaqalarida ishtirok etish uchun Tokioga yo‘l oldi.

Mazkur musobaqada qatnashish huquqini qo‘lga kiritgan o‘zbekistonlik bokschilar anʼanaga ko‘ra, tayyorgarlikning so‘nggi bosqichini terma jamoa bosh murabbiyi Marat Qurbonov boshchiligida Yaponiyaning Tokio shahrida o‘tkazishadi.

Shu munosabat bilan, Milliy gvardiya, Milliy olimpiya qo‘mitasi va Boks federatsiyasi mutasaddi rahbarlari I. Karimov nomidagi Toshkent xalqaro aeroportida Elshod Rasulov murabbiyligida safdoshlarimizni kuzatar ekan, ularga samimiy tilaklar bildirib, nufuzli musobaqada faqat g‘oliblikni qo‘lga kiritishda yuksak ishonch bildirishdi.

Eslatib o‘tamiz, o‘zbek bokschilari Tokiodagi Olimpiya o‘yinlarida quyidagi tarkibda ishtirok etadi:

Erkaklar: -52 kg vaznda Shahobiddin Zoirov, -57 kg vaznda Miraziz Mirzaxalilov, -63 kg vaznda Elnur Abduraimov, -69 kg vaznda Bobousmon Baturov, -75 kg vaznda Fanat Qahramonov, -81 kg vaznda Dilshod Ro‘zmetov, -91 kg vaznda Sanjar Tursunov, +91 kg vaznda Bahodir Jalolov.

Ayollar: -51 kg vaznda Tursunoy Rahimova, -60 kg vaznda Rayhona Qodirova, -69 kg vaznda Shahnoza Yunusova.

Terma jamoa safidagi bokschilarning 5 nafari Milliy gvardiya harbiy xizmatchilari ekanligi faxr-iftixor bag‘ishlaydi.

Maʼlumot uchun, Tokio Olimpiadasida boks bahslari 24 iyul kuni start oladi. Mazkur musobaqada barcha sportchilarimizga yana bir bor omad tilab qolamiz!