O‘zbekiston Respublikasi Davlat bayrog‘i qabul qilingan kun munosabati bilan mamlakatimiz bo‘ylab “Yangi nafas” ommaviy yugurish musobaqasi tashkil etildi.
Avval xabar berganimizdek, O‘zbekiston Respublikasi Vazirlar Mahkamasining 2023 yil 19 oktyabrdagi 80-son bayoni ijrosini taʼminlash maqsadida
O‘zbekiston Respublikasi Davlat bayrog‘i qabul qilingan kun munosabati bilan respublikamiz bo‘ylab “Yangi nafas” ommaviy yugurish musobaqasi o‘tkazildi.
Mazkur marafon joriy yilning 19 noyabr kuni soat 07:30 da start oldi.
Shuni alohida taʼkidlash joizki, “Yangi nafas” ommaviy yugurish musobaqasida harbiy xizmatchi va xodimlar bilan bir qatorda yoshlar, yoshi ulug‘lar hamda imkoniyati cheklangan fuqarolar ham faol ishtirok etishdi.
Buxoro, Jizzax, Navoiy hamda Xorazm viloyatlarida o‘tkazilgan tadbirga Milliy gvardiya Markaziy devonidan masʼul vakillar biriktirildi va nazoratga olindi.
Tadbirlarda 26 100 dan ortiq kishi, jumladan 20 000 dan ortiq yoshlar ishtirok etdi.(Maʼlumot uchun: Buxoro viloyatida 7000 nafar;
Jizzax viloyatida 5000 nafar; Navoiy viloyatida 7000 nafar;
Xorazm viloyatida 4600 nafar)
Ommaviy tadbir davomida jamoat tartibi va fuqarolar xavfsizligi Milliy gvardiya harbiy xizmatchi va xodimlari tomonidan taʼminlandi.
Marafon yakunida musobaqa g‘olib va sovrindorlari diplom va qimmatbaho sovg‘alar bilan taqdirlandi.
