Ўзбекистон Республикаси Давлат байроғи қабул қилинган кун муносабати билан мамлакатимиз бўйлаб “Янги нафас” оммавий югуриш мусобақаси ташкил этилди.
Аввал хабар берганимиздек, Ўзбекистон Республикаси Вазирлар Маҳкамасининг 2023 йил 19 октябрдаги 80-сон баёни ижросини таъминлаш мақсадида
Ўзбекистон Республикаси Давлат байроғи қабул қилинган кун муносабати билан республикамиз бўйлаб “Янги нафас” оммавий югуриш мусобақаси ўтказилди.
Мазкур марафон жорий йилнинг 19 ноябрь куни соат 07:30 да старт олди.
Шуни алоҳида таъкидлаш жоизки, “Янги нафас” оммавий югуриш мусобақасида ҳарбий хизматчи ва ходимлар билан бир қаторда ёшлар, ёши улуғлар ҳамда имконияти чекланган фуқаролар ҳам фаол иштирок этишди.
Бухоро, Жиззах, Навоий ҳамда Хоразм вилоятларида ўтказилган тадбирга Миллий гвардия Марказий девонидан масъул вакиллар бириктирилди ва назоратга олинди.
Тадбирларда 26 100 дан ортиқ киши, жумладан 20 000 дан ортиқ ёшлар иштирок этди.(Маълумот учун: Бухоро вилоятида 7000 нафар;
Жиззах вилоятида 5000 нафар; Навоий вилоятида 7000 нафар;
Хоразм вилоятида 4600 нафар)
Оммавий тадбир давомида жамоат тартиби ва фуқаролар хавфсизлиги Миллий гвардия ҳарбий хизматчи ва ходимлари томонидан таъминланди.
Марафон якунида мусобақа ғолиб ва совриндорлари диплом ва қимматбаҳо совғалар билан тақдирланди.
