“Qatag‘on qurbonlari xotirasi mangu barhayot” mavzusida yoshlar uchun ushbu muzeyga ekskursiya va maʼnaviy-maʼrifiy tadbir tashkil etildi.
Yosh avlodni milliy qadriyatlarga, boy tariximizga hurmat ruhida tarbiyalashda muzeylarning alohida o‘rni bor. Muzeylarning ijtimoiy-siyosiy hayotimizda bajaradigan vazifalaridan biri taʼlim va tarbiya o‘chog‘i ekanligidir. Ushbu so‘zlarni majmuada tashkil etilgan tadbirda Milliy gvardiya qo‘mondonligi va Qatag‘on qurbonlari xotirasi davlat muzeyi ilmiy xodimlari muzeyga tashrif buyurgan “Temurbeklar maktabi” va “Harbiy musiqa” akademik litseyi va Milliy gvardiyaga biriktirilgan umum taʼlim maktablari o‘quvchilari hamda muddatli harbiy xizmatchilariga taʼkidlab o‘tishdi.
Tadbir davomida o‘quvchilar Qatag‘on qurbonlari xotirasiga bag‘ishlab yod olingan sheʼrlarini taqdim etishdi. Vatanimiz ozodligi va erkinligi yo‘lida qurbon bo‘lgan xalqimizning suyukli farzandlari va ushbu maskanni barpo etilishi to‘g‘risidagi video film namoyish etildi. Shundan so‘ng muzey va “Shahidlar xotirasi” yodgorlik majmuasiga sayohat uyushtirildi.
Albatta mazkur maskanga tashrifdan yoshlarimiz qatag‘on etilgan vatandoshlarimiz xotirasini abadiylashtirish borasida so‘ngi yillarda amalga oshirilayotgan ishlar to‘g‘risidagi maʼlumotlarga ega bo‘lish bilan birga ularning ijodi va jasoratini o‘rganishdi.
