“Қатағон қурбонлари хотираси мангу барҳаёт” мавзусида ёшлар учун ушбу музейга экскурсия ва маънавий-маърифий тадбир ташкил этилди.
Ёш авлодни миллий қадриятларга, бой тарихимизга ҳурмат руҳида тарбиялашда музейларнинг алоҳида ўрни бор. Музейларнинг ижтимоий-сиёсий ҳаётимизда бажарадиган вазифаларидан бири таълим ва тарбия ўчоғи эканлигидир. Ушбу сўзларни мажмуада ташкил этилган тадбирда Миллий гвардия қўмондонлиги ва Қатағон қурбонлари хотираси давлат музейи илмий ходимлари музейга ташриф буюрган “Темурбеклар мактаби” ва “Ҳарбий мусиқа” академик лицейи ва Миллий гвардияга бириктирилган умум таълим мактаблари ўқувчилари ҳамда муддатли ҳарбий хизматчиларига таъкидлаб ўтишди.
Тадбир давомида ўқувчилар Қатағон қурбонлари хотирасига бағишлаб ёд олинган шеърларини тақдим этишди. Ватанимиз озодлиги ва эркинлиги йўлида қурбон бўлган халқимизнинг суюкли фарзандлари ва ушбу масканни барпо этилиши тўғрисидаги видео фильм намойиш этилди. Шундан сўнг музей ва “Шаҳидлар хотираси” ёдгорлик мажмуасига саёҳат уюштирилди.
Албатта мазкур масканга ташрифдан ёшларимиз қатағон этилган ватандошларимиз хотирасини абадийлаштириш борасида сўнги йилларда амалга оширилаётган ишлар тўғрисидаги маълумотларга эга бўлиш билан бирга уларнинг ижоди ва жасоратини ўрганишди.
