JAMOAT JOYLARIDA TINCHLIKNI SAQLASHGA DOIR MAVZULARDA O‘QUV AMALIY SEMINAR O‘TKAZILDI.
Milliy gvardiya qo‘mondonligi ishtirokida Jamoat joylarida tinchlikni saqlashga doir mavzularda video-selektor tarzidagi o‘quv amaliy semenar o‘tkazildi.
Milliy gvardiya qo‘mondoni o‘rinbosari polkovnik A.Sormonkulov raisligida o‘tkazilgan ushbu mashg‘ulotda Markaziy devon hamda hududiy boshqarma boshliqlari, jamoat tartibini saqlash uchun masʼul bo‘lgan harbiy xizmatchi va xodimlar, shuningdek Jamoat xavfsizligi universitetining professor-o‘qituvchilari ishtirok etishdi.
Unda Milliy gvardiya qo‘mondoni general-mayor R.Djurayev ko‘rsatmasiga asosan Jamoat xavfsizligi universiteti professor-o‘qituvchilari hamda mutaxassislar tomonidan Qo‘qon shahri misolida “Obod va xavfsiz mahalla”, “Bozorlar va savdo komplekslari hududida xavfsizlikni taʼminlash”, “Istirohat bog‘lari va xiyobonlarda jamoat xavfsizligini taʼminlash” mavzusidagi ilmiy yondashuvga asoslanib tayyorlangan o‘quv qo‘llanmalarning taqdimoti bo‘lib o‘tdi.
Ushbu o‘quv qo‘llanmalar mutaxassislar tomonidan Qo‘qon shahri hududini o‘rganish davomida tayyorlanganligi taʼkidlanib, mazmun mohiyati Jamoat xavfsizligi universiteti professori D.Mirazov tomonidan shaxsiy tarkibga yetkazildi.
Seminar yakunida jamoat xavfsizligini taʼminlashning amaldagi tizimi tahlil qilinib, mavjud yondashuvlarni tubdan o‘zgartirish va tayyorlangan O‘quv qo‘llanmalar asosida tizimli ishlarni yo‘lga qo‘yish bo‘yicha topshiriqlar berildi.
Shuningdek, rahbarlarning roli, masʼuliyati va majburiyati hamda Milliy gvardiya hududiy bo‘linmalarining ushbu yo‘nalishdagi vazifalari qayta ko‘rib chiqilishi bo‘yicha aniq chora-tadbirlar belgilab olindi.
