ЖАМОАТ ЖОЙЛАРИДА ТИНЧЛИКНИ САҚЛАШГА ДОИР МАВЗУЛАРДА ЎҚУВ АМАЛИЙ СEМИНАР ЎТКАЗИЛДИ.
Миллий гвардия қўмондонлиги иштирокида Жамоат жойларида тинчликни сақлашга доир мавзуларда видео-селектор тарзидаги ўқув амалий семинар ўтказилди.
Миллий гвардия қўмондони ўринбосари полковник А.Сормонкулов раислигида ўтказилган ушбу машғулотда Марказий девон ҳамда ҳудудий бошқарма бошлиқлари, жамоат тартибини сақлаш учун масъул бўлган ҳарбий хизматчи ва ходимлар, шунингдек Жамоат хавфсизлиги университетининг профессор-ўқитувчилари иштирок этишди.
Унда Миллий гвардия қўмондони генерал-майор Р.Джураев кўрсатмасига асосан Жамоат хавфсизлиги университети профессор-ўқитувчилари ҳамда мутахассислар томонидан Қўқон шаҳри мисолида “Обод ва хавфсиз маҳалла”, “Бозорлар ва савдо комплекслари ҳудудида хавфсизликни таъминлаш”, “Истироҳат боғлари ва хиёбонларда жамоат хавфсизлигини таъминлаш” мавзусидаги илмий ёндашувга асосланиб тайёрланган ўқув қўлланмаларнинг тақдимоти бўлиб ўтди.
Ушбу ўқув қўлланмалар мутахассислар томонидан Қўқон шаҳри ҳудудини ўрганиш давомида тайёрланганлиги таъкидланиб, мазмун моҳияти Жамоат хавфсизлиги университети профессори D.Миразов томонидан шахсий таркибга етказилди.
Семинар якунида жамоат хавфсизлигини таъминлашнинг амалдаги тизими таҳлил қилиниб, мавжуд ёндашувларни тубдан ўзгартириш ва тайёрланган Ўқув қўлланмалар асосида тизимли ишларни йўлга қўйиш бўйича топшириқлар берилди.
Шунингдек, раҳбарларнинг роли, масъулияти ва мажбурияти ҳамда Миллий гвардия ҳудудий бўлинмаларининг ушбу йўналишдаги вазифалари қайта кўриб чиқилиши бўйича аниқ чора-тадбирлар белгилаб олинди.
