Jizzax hamda Farg‘ona mintaqaviy o‘quv markazlarida bitiruvchilarga sertifikatlar topshirish, shuningdek, tantanali qasamyod qabud qilish marosimi bo‘lib o‘tdi.
Davlatimiz rahbarining 2021 yil 3 martdagi "O‘zbekiston Respublikasi Milliy gvardiyasining o‘quv markazlari faoliyatini takomillashtirish bo‘yicha qo‘shimcha chora-tadbirlari to‘g‘risida"gi qarori ijrosi yuzasidan Jizzax mintaqaviy o‘quv markazida navbatdagi bitiruv va tantanali qasamyod qabul qilish marosimi bo‘lib o‘tdi.
Qo‘riqlash bosh boshqarmasining 30 nafar xodimlari va Milliy gvardiya boshqarmalarining 20 nafar harbiy xizmatchilari belgilangan reja asosida navbatdagi o‘quv kurslarini muvaffaqiyatli tamomlab, o‘zlarining kasbiy tayyorgarlik yo‘nalishlaridagi bilim va ko‘nikmalarini mustahkamladilar.
Marosim yakunida o‘quv yig‘inini tamomlagan jami 50 nafar tinglovchilarga tantanali sertifikatlar topshirildi.
Shuningdek, Farg‘ona mintaqaviy o‘quv markazida 39 nafar tingovchilarga tantanali ravishda sertifikatlar topshirish marosimi hamda boshlang‘ich tayyorlash dasturi bo‘yicha taxsil olayotgan Qo‘riqlash bosh boshqarmasi Xarbiylashtirilgan qorovullik bo‘linmalari ishchi xizmatchilarining 19 nafar xodimlariga tantanali qasamyod qabul qilish marosimi bo‘lib o‘tdi.
