JONKUYAR OTA-ONA VA O‘QITUVCHILAR XIZMATLARI EʼTIROF ETILDI
Namangan viloyati Yangiqo‘rg‘on tumanida “Maktab – ota-ona – mahalla” zanjirini mustahkamlash borasidagi ustuvor vazifalar yuzasidan amalga oshirilayotgan chora-tadbirlar o‘zining ijobiy samarasini berib kelmoqda. Shu bois, maktablarda yangicha yondashuv bilan faoliyat olib borayotgan fidokor va jonkuyar ustozlarning xizmatlari munosib rag‘batlantirib kelinmoqda.
O‘quvchilarning darslarga qatnashish ko‘rsatkichlarini yaxshilashda Milliy gvardiya xodimlariga munosib ko‘makchi va hamkor vazifasini bajarib kelayotgan Yangiqo‘rg‘on tumani XTBga qarashli 10-sonli umumtaʼlim maktabining faol o‘qituvchilarining xizmatlari alohida eʼtiroflidir.
Milliy gvardiya Yangiqo‘rg‘on tumani Qo‘riqlash bo‘limi boshlig‘i ushbu taʼlim maskaniga tashrif buyurib, barcha o‘qituvchi va ota-onalarga o‘z minnatdorchiligini bildirdi. Darslarga muntazam qatnashib tengdoshlariga o‘rnak bo‘lib kelayotgan o‘quvchilarning ota-onalariga hamda faol o‘qituvchilarining xizmatlari alohida eʼtirof etilib tashakkurnoma hamda esdalik sovg‘alari topshirildi.
