Joriy yilning 1 sentyabr kunidan yurtimizda “Yong‘indan ogohlik” umummilliy kompaniyasi o‘tkazilayotganligi munosabati bilan joylarda Milliy gvardiya va Favqulotda vaziyatlar boshqarmasi masʼul xodimlari hamkorligida profilaktik tadbirlar amalga oshirilmoqda
Farg‘ona shahridagi Markaziy bozor hududida yong‘in chiqish holatlari va ko‘ngilsiz hodisalarni oldini olish bo‘yicha hamkorlikdagi o‘quv amaliy mashg‘ulotlari o‘tkazildi.
Milliy gvardiya Farg‘ona viloyati bo‘yicha boshqarmasi, viloyat Favqulodda vaziyatlar boshqarmasi hamda Markaziy bozor maʼmuriyati bilan hamkorlikdagi rejaga asosan, bozor hududi va savdo do‘konlar rastalarida yong‘in chiqishi mumkin bo‘lgan hollarda uni bartaraf etish choralari, shuningdek suv manbalarini ishlatish, evakuatsiya qilish harakatlari borasida mashg‘ulotlar o‘tkazildi. Unda do‘konlar va umumiy ovqatlanish obyektlari mutasaddilari bilan yong‘in xavfsizligi qoidalariga amal qilishlari yuzasidan profilaktik ishlar olib borilib, zarur tushuncha va maʼlumotlar yetkazildi.
