Joriy yilning 1 fevral kunidan 31 mart kunigacha O‘zbekiston Respublikasi Jamoat xavfsizligi universitetiga navbatdagi o‘quv yili uchun o‘qishga kirish istagini bildirgan nomzodlarning hujjatlarini rasmiylashtirish jarayonlari boshlanadi.
Dastlabki saralab olishdan muvaffaqiyatli o‘tgan nomzodlar Oliy ta’lim, fan va innovatsiyalar vazirligi huzuridagi Bilim va malakalarni baholash agentligi tomonidan o‘tkaziladigan test sinovlariga qo‘yiladi. Test sinovlari natijalariga ko‘ra yuqori ball to‘plagan nomzodlar universitet qabul komissiyasining qaroriga asosan o‘qishga qabul qilinadi. Shuningdek, universitetning umumfuqaroviy bakalavriat yo‘nalishi va magistratura bosqichlariga hamda sirtqi ta’lim shakllariga nomzodlarni qabul qilish bo‘yicha qo‘shimcha ma’lumotlar berib boriladi.
Universitetga Bakalavriatning kunduzgi ta’lim shaklining kursantlar safiga o‘qishga kirish istagini bildirgan fuqarolar ta’lim yo‘nalishlaridan kelib chiqqan holda o‘zlarining yashash joyidagi mudofaa ishlari bo‘yicha bo‘limlar orqali:
"Maxsus vazifalarni bajarish qo‘shinlarining qo‘mondonlik-taktik faoliyati";
"Xizmat faoliyatini tarbiyaviy-psixologik ta’minlash";
"Xavfsizlikni huquqiy ta’minlash";
"Xalqaro harbiy hamkorlikni huquqiy ta’minlash";
"Iqtisodiy xavfsizlik"
"Aniqlash va qo‘riqlash tizimlardan foydalanish bo‘yicha qo‘mondonlik-muhandislik faoliyati";
"Qo‘riqlash bo‘linmalarining qo‘mondonlik-taktik faoliyati" ta’lim yo‘nalishlariga.
Yoki
Ichki ishlar vazirligi hududiy bo‘linmalari orqali:
"Yo‘l-patrul xizmatining qo‘mondonlik-taktik faoliyati";
"Patrul-post xizmatining qo‘mondonlik-taktik faoliyati";
"Pasport tizimini huquqiy ta’minlash" ta’lim yo‘nalishlariga
ariza bilan, harbiy xizmatchilar (xodimlar) o‘zlari xizmat o‘tayotgan harbiy qismga (muassasaga) bildirgi bilan murojaat qiladilar.
"Xalqaro harbiy hamkorlikni huquqiy ta’minlash" ta’lim yo‘nalishiga o‘qishga kirishni xohlagan nomzodlar chet tilini bilish darajasi haqidagi xalqaro tan olingan dasturlar yoki davlat namunasidagi V2 va undan yuqori darajadagi malaka sertifikatiga ega bo‘lganda Universitetga o‘qishga kirish bo‘yicha tanlovda ishtirok etadilar.
Dastlabki saralab olishdan muvaffaqiyatli o‘tgan nomzodlar Vazirlar Mahkamasi huzuridagi Davlat test markazi tomonidan o‘tkaziladigan test sinovlariga qo‘yiladi. Test sinovlari natijalariga ko‘ra yuqori ball to‘plagan nomzodlar Universitet qabul komissiyasining qaroriga asosan o‘qishga qabul qilinadi.
Shuningdek, Universitetning umumfuqaroviy bakalavriat yo‘nalishi va magistratura bosqichlariga hamda sirtqi ta’lim shakllariga nomzodlarni qabul qilish bo‘yicha qo‘shimcha ma’lumotlar berib boriladi.
Bundan tashqari qabul bo‘yicha sizni qiziqtirgan savollar bo‘lsa, quyidagi raqamlarga qo‘ng‘iroq qilishingiz mumkin.
Murojaat uchun telefon raqamlari:
71 230-32-80
71 230-32-71
