Жорий йилнинг 1 февраль кунидан 31 март кунигача Ўзбекистон Республикаси Жамоат хавфсизлиги университетига навбатдаги ўқув йили учун ўқишга кириш истагини билдирган номзодларнинг ҳужжатларини расмийлаштириш жараёнлари бошланади.
Дастлабки саралаб олишдан муваффақиятли ўтган номзодлар Олий таълим, фан ва инновациялар вазирлиги ҳузуридаги Билим ва малакаларни баҳолаш агентлиги томонидан ўтказиладиган тест синовларига қўйилади. Тест синовлари натижаларига кўра юқори балл тўплаган номзодлар университет қабул комиссиясининг қарорига асосан ўқишга қабул қилинади. Шунингдек, университетнинг умумфуқаровий бакалавриат йўналиши ва магистратура босқичларига ҳамда сиртқи таълим шаклларига номзодларни қабул қилиш бўйича қўшимча маълумотлар бериб борилади.
Университетга Бакалавриатнинг кундузги таълим шаклининг курсантлар сафига ўқишга кириш истагини билдирган фуқаролар таълим йўналишларидан келиб чиққан ҳолда ўзларининг яшаш жойидаги мудофаа ишлари бўйича бўлимлар орқали:
"Махсус вазифаларни бажариш қўшинларининг қўмондонлик-тактик фаолияти";
"Хизмат фаолиятини тарбиявий-психологик таъминлаш";
"Хавфсизликни ҳуқуқий таъминлаш";
"Халқаро ҳарбий ҳамкорликни ҳуқуқий таъминлаш";
"Иқтисодий хавфсизлик"
"Аниқлаш ва қўриқлаш тизимлардан фойдаланиш бўйича қўмондонлик-муҳандислик фаолияти";
"Қўриқлаш бўлинмаларининг қўмондонлик-тактик фаолияти" таълим йўналишларига.
Ёки
Ички ишлар вазирлиги ҳудудий бўлинмалари орқали:
"Йўл-патруль хизматининг қўмондонлик-тактик фаолияти";
"Патруль-пост хизматининг қўмондонлик-тактик фаолияти";
"Паспорт тизимини ҳуқуқий таъминлаш" таълим йўналишларига
ариза билан, ҳарбий хизматчилар (ходимлар) ўзлари хизмат ўтаётган ҳарбий қисмга (муассасага) билдирги билан мурожаат қиладилар.
"Халқаро ҳарбий ҳамкорликни ҳуқуқий таъминлаш" таълим йўналишига ўқишга киришни хоҳлаган номзодлар чет тилини билиш даражаси ҳақидаги халқаро тан олинган дастурлар ёки давлат намунасидаги В2 ва ундан юқори даражадаги малака сертификатига эга бўлганда Университетга ўқишга кириш бўйича танловда иштирок этадилар.
Дастлабки саралаб олишдан муваффақиятли ўтган номзодлар Вазирлар Маҳкамаси ҳузуридаги Давлат тест маркази томонидан ўтказиладиган тест синовларига қўйилади. Тест синовлари натижаларига кўра юқори балл тўплаган номзодлар Университет қабул комиссиясининг қарорига асосан ўқишга қабул қилинади.
Шунингдек, Университетнинг умумфуқаровий бакалавриат йўналиши ва магистратура босқичларига ҳамда сиртқи таълим шаклларига номзодларни қабул қилиш бўйича қўшимча маълумотлар бериб борилади.
Бундан ташқари қабул бўйича сизни қизиқтирган саволлар бўлса, қуйидаги рақамларга қўнғироқ қилишингиз мумкин.
Мурожаат учун телефон рақамлари:
71 230-32-80
71 230-32-71
