Хоразм вилояти қўл жанги тури бўйича вилоят ҳокими кубоги ўтказилди.
оразм вилояти Урганч шаҳридаги “Ёшлик” спорт мажмуасида спортнинг қўл жанги тури бўйича вилоят ҳокими кубоги учун мусобақа ўтказилди.
Вилоят ҳокимлиги, жисмоний тарбия ва спорт бошқармаси, Қўл жанги федерацияси ҳамкорлигида ёшлар ҳамда ҳуқуқни муҳофаза қилиш идоралари ходимлари ўртасида тўққиз вазн тоифаси бўйича ўтказилган мусобақаларда 150 нафардан зиёд спортчи иштирок этди.
Мусобақаларнинг якуний натижаларига кўра, умумжамоа ҳисобида 1-ўрин Қўл жанги федерацияси Хоразм вилояти бўлими, 2-ўрин ИИБ ТВБСО бошқармаси, 3-ўрин Миллий гвардия вилоят бошқармасига насиб этди.
Ғолиб ва совриндорлар вилоят ҳокимининг диплом, камар ҳамда қимматбаҳо совғалари билан тақдирланди.
