Ҳамдамов Алишер Ўктамович
(21.03.1982 - 19.12.2021)
Батафсил
Ҳамдамов Алишер Ўктамович
Сафдор Ҳамдамов Алишер Ўктамович 1982 йил Бухоро вилояти, Пешкў туманида туғилган. Оилали, бир ўғли икки нафар қиз фарзанди бор. А. Ҳамдамов 2001 йилда Бухоро Автомобиль ва йўллари техникумини тамомлаб Бухоро вилояти ИИБ ҳузуридаги қўриқлаш бўлими Алоҳида милиция батальони милиционери лавозимига ишга кирган. 2021 йилда Ўзбекистон Республикаси Миллий гвардияси Бухоро вилояти Қўриқлаш бошқармаси Қоровулбозор тумани қўриқлаш бўлими сафдор-ходими лавозимида хизмат қилган. Сафдор А.Ҳамдамов хизмат фаолияти жараёнида ташаббускорлиги, тартиблилиги, масъулиятлилиги билан хизматдошлари ўртасида ҳурматга сазовор бўлган, қўйилган вазифа ва мажбуриятларини виждонан бажариши ҳамда намунали ходим сифатида бошқалардан ажралиб турар эди. 2021 йилнинг 19 декабрдан 20 декабрга ўтар кечаси Бухоро вилояти Ромитан тумани Газли нефть ва газни қайта тайёрлаш бошқармасига қарашли “Қумли” ГТҚ мобиль йўналишининг 34 км дан 49 кмгача бўлган масофада хизмат олиб бориш жараёнида соат 05:15лар атрофида қўриқланадиган йўналиш қувурининг тақиқланган қисмидан шубҳали номаълум УАЗ русумли (давлат рақами бўлмаган) автотранспорт воситаси ҳаракатланиб кетаётганлиги сабабли, ушбу автотранспорт воситасини тўхтатиш мақсадида, ўз хизмат автомашинасидан тушиб тўхташ ишорасини берган, аммо УАЗ русумли автомашина ҳайдовчиси унинг қонуний талабига бўйсунмасдан уриб кетиши оқибатида хизмат вақтида вафот этган. 2022 йилда Ўзбекистон Республикаси Қуролли Кучлари ташкил этилганлигининг 30 йиллиги муносабати билан “Жасорат” медали билан тақдирланган. Миллий гвардия ходими Сафдор Ҳамдамов Алишер Ўктамовичнинг кўрсатган қаҳрамонлиги, сафдошлари ҳамда барча яқинлари ва дўстларининг хотирасида абадий қолади.
Суяров Хусниддин Зокирович
(06.07.1989-01.05.2020)
Батафсил
Суяров Хусниддин Зокирович
III даражали сержант 1989 йил 6 июлда Сирдарё вилоятининг Боёвут туманида туғилган. Оилали, икки нафар фарзандни тарбиялаган. Болалигидан ҳарбий бўлишни орзу қилган Х.Суяров 2007 йилда Ўзбекистон Қуролли Кучлари сафига қўшилган. Миллий гвардия Сирдарё вилояти бўйича бошқармасида шартнома асосида муҳандис-сапёр гуруҳи мутахассиси лавозимида хизмат қилган. 2020 йил 1 майда техноген фалокат натижасида Сардоба сув омборининг тўғонларидан бири ёрилиб кетган. III даражали сержант Х.Суяров Миллий гвардиянинг тезкор ҳаракатланувчи гуруҳи таркибида Мирзаобод вилоятининг Учтом аҳоли пункти аҳолисини эвакуация қилиш бўйича тезкор қутқарув ишларида фаол қатнашган. Фуқароларни сув тошқинидан қутқариш чоғида қаҳрамонларча ҳалок бўлган. Ўзбекистон Республикаси Мустақиллигининг 29 йиллиги арафасида хизмат бурчини адо этиш вақтида ҳалок бўлган Хусниддин Суяров вафотидан кейин Ўзбекистон Республикаси Президентининг Фармони билан "Жасорат" медали ва Миллий гвардия қўмондонининг буйруғи билан - I даражали "Намунали хизматлари учун" кўкрак нишони билан тақдирланди. Ўзбекистон Республикаси Миллий Гвардияси қўмондонлиги Хусниддин Суяровнинг ўзи ўқиган Сирдарё вилояти Боёвут туманидаги 4-сонли умумтаълим мактаби ҳудудида барельфини ўрнатиш режалаштирилган. Хотира абадий, жасорат мангу Миллий гвардия ҳарбий хизматчиси III даражали сержант Хусниддин Суяровнинг кўрсатган қаҳрамонлиги Мирзаобод вилоятининг Учтом аҳоли пункти аҳолиси, сафдошлари ҳамда барча яқинлари ва дўстларининг (миннатдор) хотирасида абадий қолади.
Суюнов Хазрат Кароматович
(01.06.1992 – 01.05.2020)
Батафсил
Суюнов Хазрат Кароматович
Оддий аскар 1992 йил 1 июнда Навоий вилоятининг Нурота туманида туғилган. Уйланган, бир нафар фарзандни катта қилган. Х.Суюнов Ватанга содиқ ва ҳалол хизмат қилишни истаган ҳар бир инсон каби 2018 йилда Ўзбекистон Қуролли Кучлар сафига қўшилган. Миллий гвардия Сирдарё вилояти бўйича бошқармасида шартнома асосида махсус вазифаларни бажарувчи отряд мергани лавозимида хизмат қилган. 2020 йил 1 майда техноген фалокат натижасида Сардоба сув омборининг тўғонларидан бири ёрилиб кетган. Оддий аскар Х.Суюнов Миллий гвардиянинг тезкор ҳаракатланувчи гуруҳи таркибида Мирзаобод вилоятининг Учтом аҳоли пункти аҳолисини эвакуация қилиш бўйича тезкор қутқарув ишларида фаол қатнашган. Аҳолини хавфсиз жойларга кўчириш вақтида кучли сув оқимида қолиб кетган. Уч ой давомида ўтказилган фаол қидирувлар ижобий натижа бермаган. Шу муносабат билан, оддий аскар Х.Суюнов бедарак йўқолган деб эълон қилинган. Ўзбекистон Республикаси Мустақиллигининг 29 йиллиги арафасида хизмат бурчини адо этиш вақтида ҳалок бўлган Суюнов Хазрат Ўзбекистон Республикаси Президентининг Фармони билан "Жасорат" медали ва Миллий гвардия қўмондонининг буйруғи билан - I даражали "Намунали хизматлари учун" кўкрак нишони билан тақдирланди. Шунингдек, Ўзбекистон Республикаси Миллий Гвардияси қўмондонлиги Хусниддин Суюновнинг ўзи ўқиган Навоий вилояти Нурота туманидаги 10-сонли умумтаълим мактаб ҳудудида барельфини ўрнатиш режалаштирилган. Хотира – абадий, жасорат – мангу… Миллий гвардия ҳарбий хизматчиси оддий аскар Суюнов Хазратнинг кўрсатган қаҳрамонлиги Мирзаобод вилоятининг Учтом аҳоли пункти аҳолиси, сафдошлари ҳамда барча яқинлари ва дўстларининг (миннатдор) хотирасида абадий қолади.
Абдулвохидов Абдулходи Абдулазиз ўғли
(27.06.1994 – 10.02.2020)
Батафсил
