Respublikamiz boʻylab aholi osoyishtaligini taʼminlash maqsadida pirotexnika vositalarining noqonuniy aylanmasiga chek qo’yishga qaratilgan reyd tadbirlari davom ettirilmoqdaa)
Joriy yilning 24 dekabr kuni olingan xabarga koʻra, Fargʻona viloyati bojxona boshqarmasi Kontrabandaga qarshi kurashish boʻlimi hamda Milliy gvardiya Fargʻona viloyati boʻyicha boshqarmasi xodimlari bilan hamkorlikda “Pirotexnika vositalarining noqonuniy muomalasiga qarshi kurashish” yoʻnalishida tezkor tadbir oʻtkazildi.
Unda oldindan kuzatuvga olingan “Fargʻona-Buxoro” yoʻnalishida harakatlanayotgan “Isuzu” rusumli avtomashina Dangʻara tumani hududida toʻxtatib tekshirilganda, avtomashina yukxonasida bojxona nazoratini chetlab olib kirilgan, bojxona rasmiylashtiruvidan oʻtganligini tasdiqlovchi hujjatlari boʻlmagan 5 dona karton korobkalarga solingan dastlabki qiymati 40.680.000 (qirq million olti yuzi sakson ming) soʻmlik jami 105 660 dona, shulardan 60 dona “Zimniy les” hamda 105 600 dona “Britanik” nomli pirotexnika vositalari borligi aniqlandi.
Surishtiruv davomida avtomashina Buxoro viloyati Gʻijduvon tumanida yashovchi 35 yoshli fuqaro S.I. boshqaruvida boʻlganligi aniqlandi. Hozirda Oʻzbekiston Respublikasi Maʼmuriy javobgarlik toʻgʻrisidagi kodeksning 185 prim. 1-moddasiga asosan bayonnoma rasmiylashtirilib, katta miqdordagi pirotexnika vositalari oʻrnatilgan tartibda daliliy ashyo sifatida olindi.
Eslatib oʻtamiz, Oʻzbekiston Respublikasi Maʼmuriy javobgarlik toʻgʻrisidagi kodeksning 185 prim. 1-moddasiga asosan pirotexnika buyumlarining qonunga xilof muomalasi taqiqlanadi.
