Davlatimiz rahbari tomonidan belgilab berilgan maktabdagi taʼlim-tarbiya yo‘nalishidagi ustuvor vazifalarning amaliy ijrosi yuzasidan, Maktabgacha va maktab taʼlimi vazirligi hamda Milliy gvardiya hamkorligida yo‘lga qo‘yilgan manzilli ishlar natijalari Andijon viloyatida ko‘zdan kechirildi
Mazkur yo‘nalishdagi mavjud muammmolar va ularning yechimi yuzasidan hamkorlikda belgilab olingan istiqbolli rejalar hamda dastlabki amalga oshirilishi zarur bo‘lgan chora-tadbirlar, Maktabgacha va maktab taʼlimi vaziri X.Umarova hamda Milliy gvardiya qo‘mondoni R.Djurayevlar томонидан nazoratga olinib, shahar, tuman va viloyatlarlar kesimidagi tahliliy ishlar olib borilmoqda.
Andijon shahridagi 14-umumiy o‘rta taʼlim maktabida bo‘lib o‘tgan Maktabgacha va maktab taʼlimi vaziri, Milliy gvardiya qo‘mondoni hamda viloyatning sohaga oid mutasaddi rahbarlari ishtirokidagi navbatdagi uchrashuvda ham Davlatimiz rahbari томонидан belgilab berilgan maktabdagi taʼlim-tarbiya yo‘nalishidagi ustuvor vazifalarning amaliy ijrosi muhokama qilindi.
Xususan, maktabdagi inspektor-psixologlarning yangi tizimdagi ish faoliyati, ota-onalar va mahalla faollarining “Maktab – ota-ona – mahalla” tamoyili asosida, farzandlarining taʼlim-tarbiyasiga bo‘lgan masʼuliyatini oshirishga qaratilgan hamkorlik masalalari o‘rganildi.
Shuningdek, “Xavfsiz taʼlim” konsepsiyasi doirasida maktablarda xavfsiz muhitni yaratishga qaratilgan ishlar bo‘yicha viloyat Qo‘riqlash xizmati boshlig‘ining maʼlumoti tinglandi. Unda o‘qituvchi va o‘quvchilarga nisbatan jismoniy xavf-xatarlarni oldini olishda va tezkorlik bilan bartaraf qilish maqsadida shahar-tuman markazlaridagi taʼlim muassasalarida o‘rnatilgan “tashvish” tugmalari va videokuzatuv moslamalarining afzallik xususiyatlari haqida so‘z yuritildi.
Hozirda esa maktablarning qo‘riqlovini yangicha tizimda takomillashtirish borasida amalga oshirilayotgan ishlar bilan tanishtirilib, ushbu yo‘nalishda mutasaddi rahbarlar томонидан bildirilgan fikr-mulohazalar inobatga olingan holda sohaga oid masʼullarga tegishliligi bo‘yicha topshiriqlar berildi.
