Davlatimiz rahbarining “Shanxay hamkorlik tashkilotining Samarqand sammiti: o‘zaro bog‘liqlikdagi dunyoda muloqot va hamkorlik” sarlavhali maqolasining mazmun-mohiyati shaxsiy tarkibga tushuntirildi
Bugun O‘zbekiston Respublikasi Milliy gvardiyasi markaziy devonida Prezident Sh.Mirziyoyevning 2022 yil 12 sentyabr kunidagi “Shanxay hamkorlik tashkilotining Samarqand sammiti: o‘zaro bog‘liqlikdagi dunyoda muloqot va hamkorlik” sarlavhali maqolasining mazmun-mohiyati mavzusida mashg‘ulot o‘tkazildi.
Mashg‘ulotlar Oliy majlisi Qonunchilik palatasi bo‘lim boshlig‘i, Siyosiy fanlar bo‘yicha falsafa doktori, professor G‘.Marhammadjonov hamda Respublika Maʼnaviyat va maʼrifat markazi targ‘ibot jamiyati aʼzosi, dotsent, tarix fanlari nomzodi, soha mutaxassisi S. Abduraximovlar jalb etildi.
Mashg‘ulot davomida soha mutaxassislari tomonidan maqolada Shanhay hamkorlik tashkilotining bosib o‘tgan yo‘li, imkoniyatlari va istiqbollari barcha uchun aniq va batafsil bayon qilinganligi alohida taʼkidlandi.
Shuningdek, maqolaning ahamiyatli tomonlaridan biri bugungi kunda dunyodagi vaziyat, global siyosiy jarayonlar, xalqaro va mintaqaviy tashkilotlarning ahamiyati, davlatlarning o‘zaro munosabatlari, xalqaro huquqiy makon keng yoritilganligiga urg‘u berildi.
Tadbir so‘nggida, Qo‘mondonlik tomonidan tizimning barcha hududiy boshqarmalariga ushbu xususda qo‘shimcha mashg‘ulotlar o‘tkazilishi bo‘yicha topshiriq berildi.
