Farg‘ona viloyatida Milliy gvardiyaga biriktirilgan 6-sonli umumtaʼlim maktabining 11-sinf o‘quvchilari bilan "Harbiy qismda-bir kun" shiori ostida maʼnaviy-maʼrifiy tadbirlar tashkillashtirildi
Milliy gvardiya Farg‘ona viloyati bo‘yicha boshqarmasiga biriktirilgan 6-sonli maktabning "Harbiy Vatanparvarlikka ixtisoslashtirilgan" bitiruvchi 11 sinf o‘quvchilari ishtirokida "Harbiy qismda-bir kun" vatanparvarlik tadbiri tashkillashtirildi. Tadbir davomida o‘quvchi yoshlar bilan boshqarma boshlig‘i polkovnik Sh.Akbarovning uchrashuvi tashkillashtirilib unda “Vatanni sevish va uni himoya qilish”, “Buyuk ajdodlarimizga xos mardlik, sadoqat va jasorat fazilatlari”, shuningdek ularning o‘chmas tarixi to‘g‘risidagi mavzularda ochiq muloqotdagi qizg‘in davra suhbati bo‘lib o‘tdi.
Shundan so‘ng yosh o‘quvchilarga harbiy xizmatchilar tomonidan qo‘l jangi, tog‘-balandlik tayyorgarligi, va harbiy qism kinologiya bo‘limi tomonidan ko‘rgazmali chiqishlar namoyish etilib, mavjud qurol-aslahalar va ularning tuzilishi yaqindan tanishtirildi.
Tushlik vaqtida o‘quvchi yoshlar harbiy qism oshxonasida harbiy akalari bilan birgalikda ovqatlanib, o‘z baholarini berdilar.
Tadbir so‘ngida, o‘quvchi yoshlarga “Menimcha” teleloyihasining 2024-yil 13 yanvar kunidagi navbatdagi soni namoyishi bo‘lib o‘tdi. Ko‘rsatuv namoyishi o‘quvchilar va harbiy xizmatchilar tomonidan katta qiziqish bilan kuzatildi va ushbu loyihadan o‘zlarini qiziqtirgan savollarga javob oldilar.
