Fargʻona viloyatida Milliy gvardiya, IIB hamda Bojxona organlari hamkorligida oʻtkazilgan tezkor tadbir davomida katta miqdordagi pirotexnika vositalarining noqonuniy muomalasiga chek qoʻyildi
Fargʻona viloyati boʻyicha Milliy gvardiya hamda Bojxona boshqarmalari xodimlari, shuningdek, boshqa hamkor tashkilotlar hamkorligida “Pirotexnika vositalarining noqonuniy muomalasiga qarshi kurashish” yoʻnalishida tezkor-qidiruv tadbirlari oʻtkazildi.
Oʻtkazilgan tezkor tadbir davomida joriy yilning 11 dekabr kuni soat taxminan 03-00 larda oldindan tezkor kuzatuvga olingan Oʻzbekiston Respublikasi fuqarosi boʻlgan 24 yoshli Fargʻona tumanida tugʻilgan T.S boshqaruvidagi “KOBALT” rusumli avtomashina Namangan viloyati hududidan Fargʻona viloyati Yozyovon tumani Toshhovuz qishlogʻi hududiga harakatlanib kelib, yoʻl chetiga toʻxtagan vaqtida ushlanib, tekshirilganda avtomashina saloni va yukxonasida bojxona nazoratini chetlab olib kirilgan 3 turdagi 79 200 dona “BRITANIK”, 403 200 dona “TRENIYA” hamda 56 dona “7 SHOTS” nomli pirotexnika vositalari borligi aniqlandi.
Umumiy qiymati 155 920 000 soʻmlik 3ta turdagi 482 456 dona pirotexnika vositalari boʻyicha birlamchi protsessual hujjatlar rasmiylashtirilib, holat yuzasidan qonuniy qaror qabul qilingunga qadar vaqtincha saqlovga olindi.
