HARBIY SPORT BELLASHUVIDA KUCHLILAR G‘OLIB BO‘LDI
Milliy gvardiya Navoiy viloyati bo‘yicha boshqarmasi maʼmuriy binosida Milliy gvardiya bo‘linmalarida xizmat qilayotgan harbiy xizmatchi va xodimlar o‘rtasida tarixiy siymoning vatanparvarligi va jasoratini keng targ‘ib etish maqsadida “Jaloliddin Manguberdi izdoshlari” nomli harbiy sport musobaqasi bo‘lib o‘tdi. Unda gvardiya saflarida xizmat qilayotgan 3 ta viloyatdan tashrif buyurgan 12 nafar harbiy xizmatchilar kuch sinashdi.
Murosasiz bellashuv 4ta shart asosida yaʼni bilimdonlar bellashuvi, ot ustida kurash va ot minib kamondan o‘q uzish hamda 400 metr masofaga erkin uslubda suzish shartlari ostida o‘tdi.
Musobaqa yakuniga ko‘ra, umumjamoa hisobida Samarqand viloyati bo‘yicha boshqarmasi jamoasi 3-o‘rinni, Navoiy viloyati bo‘yicha boshqarmasi 2-o‘rinni, Jizzax viloyati bo‘yicha boshqarmasi jamoasi faxrli birinchi o‘rinni egalladi.
Yakuniy natijalarga ko‘ra g‘olib va sovrindorlar medal va diplomlar bilan taqdirlandi.
