KITOB INSON KAMOLOTIDA BENAZIR MAʼNAVIY QANOT
Ayni kunlarda Respublikamiz bo‘ylab yosh avlodning maʼnaviy-intellektual salohiyati, ongu tafakkuri va dunyoqarashini yuksaltirish, ona Vatani va xalqiga muhabbat va sadoqat hissi bilan yashaydigan barkamol shaxsni tarbiyalashda beqiyos ahamiyatga ega bo‘lgan kitobxonlik madaniyatini oshirish yuzasidan bir qator kompleks chora-tadbirlar o‘tkazilmoqda.
Xususan, Milliy gvardiya Qashqadaryo viloyati bo‘yicha boshqarmasida shartnoma asosidagi hamda muddatli harbiy xizmatchilar bilan kitobxonlik kuni o‘tkazildi. Unda kitob mutolaasi va kitobxonlik madaniyatini yuksaltirish huquqiy bilimini mustahkamlash maqsadida o‘tkazilgan tadbirda badiiy, huquqiy va ommabop adabiyotlar sotuvga qo‘yildi.
Shu bilan birga Milliy gvardiya Qashqadaryo viloyati bo‘yicha boshqarmasi tashabbusi bilan kitob yarmarkalari muntazam o‘tkazib kelinmoqda.
Xususan, navbatdagi kitob yarmarkasida o‘zbek va jahon adabiyotining sara asarlari namoyish etildi. Shuningdek, yuridik sohaga oid qo‘llanmalar ham xaridorgir kitoblar qatoridan o‘rin oldi.
