Oʻzbekiston huquqni muhofaza qiluvchi organlari qoʻl jangi federatsiyasi raisi -Milliy gvardiya qoʻmondoni R.Djurayev tomonidan Ostona shahrida boʻlib oʻtgan “Qoʻl jangi boʻyicha Jahon Kubogi” musobaqasida faxrli 1-oʻrinni egallagan sportchilar va ularning murabbiylari munosib ragʻbatlantirildi.

Oʻzbekiston huquqni muhofaza qiluvchi organlari qoʻl jangi federatsiyasi raisi - Milliy gvardiya qoʻmondoni R.Djurayev tomonidan Ostona shahrida boʻlib oʻtgan “Qoʻl jangi boʻyicha Jahon Kubogi” musobaqasida faxrli 1-oʻrinni egallagan sportchilar va ularning murabbiylari munosib ragʻbatlantirildi.

Avval xabar berganimizdek, joriy yilning 20-23 noyabr kunlari Qozogʻiston Respublikasi poytaxti Ostona shahrida qoʻl jangi sporti boʻyicha Jahon kubogi boʻlib oʻtdi.

Erkaklar va ayollar oʻrtasida boʻlib oʻtgan mazkur Jahon kubogida Qozogʻiston, Qirgʻiziston, Oʻzbekiston, Rossiya, Tojikiston, Moʻgʻuliston, Hindiston, Shveysariya, Marokash, Italiya, Moldova, Ispaniya, Ruminiya, Misr, Tunis, Belarus, Janubiy Koreya, Xitoy, Yaponiya va Turkmaniston kabi 15 ta davlatdan 200 nafardan ortiq sportchilar ishtirok etdi.

Sportchilarimiz musobaqada 10 ta oltin, 8 ta kumush, 6 ta bronza medallarini qoʻlga kiritib, murosasiz bellashuvlar yakuniga koʻra umumjamoa hisobida faxrli 1-oʻrinni egallashdi.

Bugun shu munosabat bilan Oʻzbekiston huquqni muhofaza qiluvchi organlari qoʻl jangi federatsiyasi binosida terma jamoa murabbiylari va sportchilarini tantanali taqdirlash marosimi boʻlib oʻtdi.

Marosimda, Oʻzbekiston huquqni muhofaza qiluvchi organlari qoʻl jangi federatsiyasi raisi, Milliy gvardiya qoʻmondoni general-mayor R.Djurayev, tegishli boshqarma boshliqlari, Sport vazirligi, Qoʻl jangi federatsiyasi masʼullari hamda terma jamoa aʼzolari ishtirok etdi.

Tadbir avvalida Federatsiya raisi sportchilarni nufuzli xalqaro musobaqada muvaffaqiyatli ishtirok etib, faxrli birinchi oʻrinni qoʻlga kiritganligi bilan muborakbod etdi.

Shuningdek, Davlatimiz rahbarining “Qoʻl jangi sport turini yanada rivojlantirish chora-tadbirlari toʻgʻrisida”gi qaroriga asosan yoshlarning qoʻl jangi sport turi bilan shugʻullanishlari uchun barcha shart-sharoitlar yaratib berilishi natijasida qisqa davr ichida sportchilar faqatgina katta gʻalabalar bilan yurtimizga qaytayotganligi alohida eʼtirof etildi.

Shundan soʻng, Milliy gvardiya qoʻmondoni buyrugʻi oʻqib eshittirilib unga koʻra, sovrinli oʻrinlarni qoʻlga kiritgan tajribali sportchilar hamda murabbiylar munosib ragʻbatlantirildi.