O‘zbekiston Respublikasi Milliy gvardiyasi Qo‘riqlash bosh boshqarmasida videoselektor tarzida "Faxriylar kengashi" ning navbatdagi yig‘ilishi bo‘lib o‘tdi. Prezidentimizning “Oila va xotin-qizlar bilan ishlash, mahalla va nuroniylarni qo‘llab-quvvatlash tizimini takomillashtirish chora-tadbirlari to‘g‘risida”gi Farmoni ijrosini taʼminlash, "Faxriylar kengashi" faoliyatini tubdan yangi bosqichga ko‘tarish masalalariga bag‘ishlangan uchrashuvda, Milliy gvardiya Qo‘mondoni o‘rinbosari polkovnik S.Mamayusupov maʼruza qildi.

Faxriylarni ijtimoiy himoya qilish, ularga eʼtibor va g‘amxo‘rlikni kuchaytirish, ularni har tomonlama qo‘llab-quvvatlash, boy hayotiy tajribasidan aholi ayniqsa, yoshlarni harbiy-vatanparvarlik ruhida tarbiyalash, harbiy xizmatchi va xodimlar o‘rtasida tajriba almashish orqali mamlakatimiz osoyishtaligi va tinchligini saqlash uchun zarur bo‘lgan amaliyotni joriy etish maqsadida, Milliy gvardiya tizimida ham 2021 yilda "Faxriylar kengashi" tuzilganligi maʼlumot o‘rnida aytib o‘tildi. Endilikda mazkur kengash faoliyatini har tomonlama rivojlantirish borasida qator chora-tadbirlar belgilanganligi qayd etildi.

Jumladan, Milliy gvardiya tarkibida Bosh mutaxassis - Faxriylar kengashi raisi va yetakchi mutaxassis - Faxriylar kengashi raisining o‘rinbosari lavozimlari joriy etilganligi taʼkidlandi. Shuningdek, yig‘ilishda faxriylar kengashining asosiy vazifalari, vakolatlari, funksiyalari, ishlash prinsiplari to‘g‘risida atroflicha maʼlumotlar berildi. Yakunda bu yo‘nalishda endilikda ishlarni jadallashtirish yuzasidan masʼul rahbarlarga tegishli vazifalar yuklatildi.