SANITARIYA-EPIDEMIOLOGIYA TALABLARIGA RIOYA QILINISHI NAZORAT QILINMOQDA
Yurtdoshlarimizning koronavirus infeksiyasi bilan kasallanishining oldini olish borasida Maxsus komissiya qaroriga asosan karantin tartib qoidalari kuchaytirildi.
Shunga asosan bugun poytaxtimiz bozorlari bo‘ylab koronavirus infeksiyasining keng tarqalishini oldini olish hamda amaldagi karantin talablari va sanitar-gigiena tartib qoidalariga aholi tomonidan to‘liq rioya etilishini nazoratga olish bo‘yicha Milliy gvardiya, IIV hamda Sanitariya-epidemiologiya xizmati xodimlari hamkorligida tizimli profilaktik ishlar olib borildi.
Mazkur tadbir davomida bozorlarda hamshaharlarimiz loqaydlikka berilib, o‘z sog‘liklariga befarq bo‘lishayotganligi aniq bo‘ldi. Buning natijasida fuqarolar bilan mas'ul xodimlar tomonidan kuchaytirilgan profilaktik tushuntirish ishlari olib borildi.
Bu kabi o‘tkazilayotgan hamkorlikdagi reyd tadbirlari aslida kasallikni davolay olmaydi, ammo uning keng tarqalishini oldini olishga va fuqarolarimizning o‘zi va yaqinlari salomatligi uchun qayg‘urishiga xizmat qiladi.
